ဘူတာရုံလေးထဲ ၀င်ကြည့်ပါ (၁၄၇)

ဘူတာရုံလေးထဲ ဘယ်တော့မှ မဆုံနိုင်ဘူးလို. တင်စားခံရတဲ့ မျဉ်းပြိုင်နှစ်ကြောင်း.....သံလမ်းလေးရေ မင်းတို.ကို နာမည်ဆိုးနဲ. ကျော်ကြားအောင် ပြုလုပ်နေကြတဲ့သူတွေ သူတို. မသိလေရောသလား ........ မင်းတို.ရဲ့ဆုံမှတ် ဘူတာရုံလမ်းခွဲလေးကို။ တစ်ချို.အနုပညာရှင်ဆိုသူတွေက သံလမ်းလေးကို အမျိုးမျိုးသရုပ်ဖော်နိုင်ပါရဲ့ ဒါပေမယ့်....သူတို.က မင်းတို.ရဲ့ ရသကို မခံစားနိုင်ဘူး မင်းတို.ရဲ့ ကျောကုန်းပူပူပေါ် ဖြတ်မလျှောက်ရဲဘူး။ ပြီးတော့လည်း မင်းတို.ကို ဥပက္ခာမျက်လုံးတွေနဲ. စိုက်ကြည့်နေကောင်းရဲ့ ဘူတာရုံလေးထဲ အဆောက်အဦးဟောင်းလေးတစ်ခုရဲ့အထဲ အဖိုးအိုတစ်ယောက် အဆောက်အဦးရဲ့ သက်တမ်းနဲ.အညီ အိုမင်းဆွေးမြ သူဘာကို စောင့်နေတာလဲ မနက်ဖြန်ရောက်လာမယ့် ငြိမ်းချမ်းရေးကိုလား မနက်ဖြန်ရောက်လာမယ့် စစ်မက်ဖက်ပြိုင်မှုတွေလား မနက်ဖြန်ရောက်လာမယ့် ရထားတစ်စီးကိုလား ဒါမှမဟုတ် မနက်ဖြန်ရောက်လာမယ့် သေခြင်းတရားကိုလား တစ်ခုခုပေါ့.... လက်တလောမှာတော့ အဖိုးအိုနဲ.ဆန်.ကျင်ဘက် သစ်လွင်လွင် စက္ကူဖြတ်ပိုင်းစ အချို လူတွေရဲ့လက်ထဲက ၁၀တန် စက္ကူတွေနဲ. လဲလှယ်ရင်း...လဲလှယ်ရင်း ဘူတာရုံလေးထဲ စက္ကူဖြတ်ပိုင်းစ တစ်ခုဆီပိုင်ဆိုင်သွားတဲ့လူတွေ တိတ်ဆိတ်စွာရော.....ဆူညံစွာရော ဒီနေ. မနက်ရောက်လာမယ့် ရထားတစ်စီးကို မျှော်နေတယ်။ မျှော်နေရင်း သူတို.အတွေးထဲမှာ........ဒီအကြောင်းတွေမရှိဘူး။ `မီးရထားတွေ ဘယ်လိုဖြစ်ပေါ်လာတယ်ဆိုတာ´ `သံလမ်းတွေ ဘယ်လိုတည်ဆောက်ထားတယ်ဆိုတာ´ `သံလမ်းတွေပေါ်မှာ ရထားတွေ မလိမ့်ကျအောင် ဘယ်လိုသွားတယ်ဆိုတာ´ `နောက်ဆုံး ဘူတာရုံလေးဘယ်လိုဖြစ်ပေါ်လာတယ်ဆိုတာ´ အဲ...တစ်ခါတစ်လေတော့ သူတို. စဉ်းစားမိကောင်းရဲ့။ ဒီစက္ကူဖြတ်ပိုင်းစတွေကို ငွေ ၁၀နဲ. ရအောင်လုပ်ပေးနိုင်ခဲ့တာ ကျေးဇူးတင်စွာနဲ့ ဘယ်သူလဲလို. အံသြမိတက်ကြတယ်။ တစ်ခါတစ်ရံပေါ့...တကယ်ကို တစ်ခါတစ်ရံပါ။ ဘူတာရုံလေးထဲ ဟိုးရှေးကို လျှောက်သွားကြည့်ပါ။ မီးရထား ခုံးကျော်တံတားလေးတစ်ခု သူကတော့ ကူညီချင်နေတယ်။ ဘူတာရုံလေးကို နေ.စဉ်ရောက်လာတဲ့ လူတွေမှာ အမြင့်ကြောက်ရောဂါရှိလေသလားမသိ။ ဟုတ်တယ်လေ...ခင်ဗျားတို. စဉ်းစားကြည့်ပေါ့ သူတို.ဘ၀မှာ အမြင့်တစ်နေရာဆိုတာ ဘယ်တုန်းကရှိဖူးလို.လည်း အခုလည်း ဒီခုံးကျော်တံတားလေးအပေါ်တက် ကျော်ဖြတ်ပြီး ဟိုးတစ်ဖက်မှာ လူမှုချမ်းသာခြင်းတွေရှိနေမယ်ဆိုရင်တော့ တစ်မျိုးပေါ့။ ကြာတော့လည်း ခုံးကျော်တံတားလေးဟာ လူဆင်းရဲတွေရဲ့ စွန်.ပစ်မှူနဲ.အတူ အထီးကျန်စွာ သံချေးတက်နေရဲ့ သူက လူဆင်းရဲတွေကို သူ.ကျောကုန်းပေါ်ဖြတ်နင်းစေချင်ပေမယ့် သူဆီရောက်လာတာက ဂစ်တာကိုင်လူငယ်တစ်ချို.လေ။ လူငယ်လေးတွေဆီက ဂစ်တာသံနဲအတူ ပျံလွင့်လာတဲ့ သံစဉ်အချို. `နောက်ဆုံးရထားလေး´ အစချီ တေးသံတွေ အသည်းကွဲ သီချင်းတွေ အလွမ်းသီချင်းတွေ ဂစ်တာကိုင်လူငယ်တွေရဲ့ အလွမ်းကို ဂစ်တာတစ်လက်နဲ. ခုံးကျော်တံတားလေးက ဖြေဖျောက်ပေးနိုင်ခဲ့ပြီ။ ဘူတာရုံလေးထဲ ကုန်တင်ကုန်ချလူငယ် တစ်ယောက်ရဲ့ အလွမ်းတွေကို ဖြေဖျောက်စေဖို. သူ.နှုတ်ဖျားမှာ သီချင်းမရှိဘူး သူ.လက်ထဲမှာ ဂစ်တာမ၇ှိဘူး။ သူ ခုံးကျော်တံတားလေးပေါ် တက်လွမ်းဖို. အချိန်မရှိဘူး။ ရင်ဘက်ထဲမှာ အလွမ်းတွေကို ထည့်သိမ်းရင်း ကျောကုန်းပေါ်မှာ ကုန်ထုတ်တွေတင်လို. တင်လို. အလွမ်းတွေကို မေ့မေ့သွားတယ်။ သူ.နှလုံးသားထဲမှာ အချစ် အလွမ်း ဘ၀ရဲ့ ခါးသီးမှု ဖြစ်ပေါ်လာတဲ့ အခက်အခဲ ဒုက္ခအစုစုတို.အတွက် ဘယ်သူ သာဓုခေါ်ပေးမှာလည်း။ ဘူတာရုံလေးထဲ လူတွေက တိုးပွားရင်းများပြားလာ တစ်နေ.ထက်တစ်နေ. တိုးပွားရင်း လူတွေကို ထူကာထပ်လို. ဒီအခြေအနေကို ဘူတာရုံလေး ပျော်နိုင်ပါ့မလား။ ကြည့်...လူတွေက ပုံစံမျိုးစုံ၊ အသွင်မျိုးစုံ၊ ကာလာမျိုးစုံ လာတာကတော့ အောက်ခြေလူတန်းစားတစ်ရပ်ထဲပါ။ ခင်ဗျားတို.နဲ.တော့ ကွာပါလိမ့်မယ်။ ဘူတာရုံလေးထဲ မိန်းမရဲ့ ဦးဆောင်မှုနောက်တစ်ကောက်ကောက်နဲ. နာခံမပျက် အရက်သမားယောင်္ကျားတွေရှိတယ်။ ခင်ဗျားတို. ပြောပြောနေတဲ့ မိန်းမနဲ. ယောင်္ကျားရင်ဘောင်တန်းနိုင်ရမယ်ဆိုတဲ့ စကားကို သူတို.သာလွန်အောင် လုပ်နိုင်ခဲ့ပြီလေ။ ဘူတာရုံခုံတန်းလေးမှာ ထိုင်နေတဲ့ သူတောင်းစား မိန်းမအိုတစ်ယောက် ဖုတ်ဖတ်ခါထသွားချိန် သူ.နေရာကို ၀င်ထိုင်ဖို. လူတွေ အလုအယက် မရွံရှာ တက်ကြဘူး။ ခင်ဗျားတို.ပြောပြောနေတဲံ လူသားအားလုံး တန်းတူဆိုတဲ့ စိတ်ဓါတ်က သူတို.ရဲ့ မွေးရာပါစိတ်ထားတွေပေါ့။ သန်းရှာ အတင်းတုပ်၊ ဒီလိုနဲ. အလုပ်ရှုပ်နေတဲ့ မိန်းမတစ်အုပ်ရဲ့ ဆေးပြင်းလိပ်တစ်တိုက chatting ၀င်ပြီး အရည်မရ အဖတ်မရ လုပ်နေတဲ့ ခင်ဗျားတို.ရဲ့ ကော်ဖီခွက်တွေထက် ငွေကုန်ကြေးကျသက်သာသလို ပျော်ရွှင်ရစ်မူး သာယာဖို.ကောင်းပြီး အပြစ်ကင်းတယ်။ ဘူတာရုံလေးထဲ လေလွင့်ယဉ်ကျေးလူငယ်တစ်ယောက် ကျောလောက်ထိ ဆံပင်ရှည်ရှည်ညင်းသိုးစွာနဲ. ပန်.ခ် အထိမ်းအမှတ် ဖျော့တော့တော့ အနက်ရောက်တီရှပ်တစ်ထည် ၀တ်နေကျ စုတ်ပြဲဂျင်း(န်)ထည်ကလည်း ပေပွလို. ကြမ်းနင်းရော်ဘာ ဆင်ကြယ်တစ်ရံနဲ.အတူ သူ.ဘ၀ကိုလည်း ခပ်ကြမ်းကြမ်းပဲ ဘူတာရုံအမိုးအောက် ချနင်းပစ်လိုက်တယ်။ ဘူတာရုံလေးထဲ အများတကာ မျှော်လင့်နေတဲ့ ဇာတ်လို်က်ကျော်ကြီးက ဥသြသံပေးလို. နွေရာသီမဟုတ်လည်း လူတကာကို ချိုမြစေခဲ့ပြီ။ တက်ကြွစေခဲ့ပြီ။ ထိုဇာတ်လိုက်ကျော်ကိ်ုတော့ `ယ-၁၇´ ဟုခေါ်ကြပါ။ သူကထိုးအန်ချလိုက်တဲ့ လူတွေကြား လူတွေကြား သူက ထိုးအန်လိုက်တဲ့နေရာကို ဘူတာရုံလေးထဲက လူတွေ အလုအယက်တိုးကျပ်လို. အအန်ခံ ပစ္စည်းတွေ ထပ်ဖြစ်သွားကြပြီ။ သံလမ်းပေါ်မှာတော့ နာကျင်မောရှနေကြတုန်းပဲ။ ဘူတာရုံလေးထဲ --------------------------------- ---------------------------------- သံလမ်းပေါ်မှာတာ့ နာကျင်မောရှနေကြတုန်းပဲ။ူ