ခမ်းနားခြင်းများအကြောင်း

ငါ့ရဲ့မျက်နှာကို တစ်ချက်လောက်ကြည့်ပါ…သံစဉ်..။ လင်းပမှုတွေ ဖြိုးဖြိုးဖျက်ဖျက် တောက်ပဖို.တော့ မျှော်လင့်ပါရစေ……..။ ငါ့ရဲ့ နှလုံးသားကို မြင်သာအောင် ကြည့်ပေးပါဦး…။ ငါ့နှလုံးသားကနေတစ်ဆင့် မင်းနှလုံးသားကနေတစ်ဆင့် ငါတို…..ငါတို. နှစ်ယောက်ရဲ့ အတိတ်တွေအတွက် မင်းတစ်ချက်လောက်တော့ ပြုံးပြပေးပါ သံစဉ်…။ မြင်နေရတဲ့ ကောင်းကင်ပြာပြာကြီးအတွက်.. ပျံသန်းနေတဲ့ ငှက်ငယ်လေးတွေအတွက်.. အင်းယားကန်ရေပြင်ကို ဖြတ်သန်းလာတဲ့ လေနုအေးလေးတွေအတွက်.. အတူ လျှောက်လှမ်းဖူးတဲ့ မြေနီလမ်းလေးအတွက်..တိုးတိုးငြင်သာ ထွက်ပေါ်လာမယ့် စကားလုံးအချို.အတွက်.. ငါ့ပခုံးထက်က လွယ်အိတ်ခပ်ရွယ်ရွယ်တစ်လုံး အတွက်.. နောက်ပြီး.. ငါ့ရဲ့မနက်ဖြန်တွေအတွက်.. မင်းရဲ့ အပြုံးတစ်ချက်နဲ. အသက်သွင်းပေးပါ.. သံစဉ်..။ လောကမှာ အလိုအပ်ဆုံးဟာ ဘာလည်းဆိုတာကို ငါသေချာမသိခဲ့ပေမယ့် မင်းရဲ့ အပြုံးတွေကို မြင်တွေ.ခွင့်ရရင် ငါမှာလိုအပ်တာ ဘာတစ်ခုမှ မရှိတော့လို.ပါ သံစဉ်..။ အပြုံးတွေ အတွက် အချိုမြဆုံး တေးတစ်ပုဒ်မလိုပါဘူး.. ငြိမ်းချမ်းရေး အထိမ်းအမှတ် အပြာနုရောင်တွေလည်း မလိုပါဘူး.. ခပ်တေတေ စုတ်မွဲနေတဲ့ ခရီးဆောင်အိတ်ထဲက ဆွဲထုတ်ဖော်ပြဖို.လည်း မလိုပါဘူး.. ပီကာဆိုရဲ့ စုတ်ချက်တွေလည်း မဖြစ်နိုင်ပါဘူး.. မိုးခေါင်လို.တီးတဲ့ ဗုံသံကို တစ်ဝကြီးနားထောင်နေလို.လည်း ပြီးမြောက်သွားမှာ မဟုတ်ပါဘူး..။ သံစဉ်……အပြုံးတွေအတွက်.. ငါလိုတဲ….့ အပြုံးတွေအတွက် လိုအပ်တာက မင်းရဲ့……မင်းရဲ့… ငါပြောမပြတက်ိနိုင်တဲ့…့ငါ…..…ငါဘာမှန်းမသိတဲ့ ဖြူစင်လွန်းတဲ့ အတက်ပညာတစ်ချို.ပေါ့..။ မှော်မဆန်ဘူးဆိုတာတော့ သေချာပါတယ်…….။မင်းကိုငါ ချစ်စကားပြောခဲ့တဲ့တုန်းက မင်းမျက်နှာမှာ ဖြစ်ပေါ်သွားတဲ့ ရှက်ပြုံးလေးတွေက အရမ်းလှလွန်းတယ်ကွာ..။ မင်းရဲ့ရှက်ပြုံးလေးတွေ ယှက်ဖြာသွားတဲ့ အဲဒီညနေခင်းဟာ အသက်အ၀င်ဆုံး ညနေခင်း အဖြစ် အချစ်နတ်ဘုရားတို.ရဲ့်ရာဇ၀င်မှာ ရေးထိုးမှတ်တမ်းတင်လိုက်ကြတယ်…..ပန်းနုရောင်မင်ရည်ကျဲနဲ့ပေါ့…..။ အဲဒီအကြောင်းတွေ မင်းကို ငါပြန်ပြောမိတော့ မင်းကမယုံသလိုနဲ. မင်းကြိုက်တဲ့မင်းသမီးလေးရဲ့ အပြုံးနဲ. နှိုင်းယှဉ်ပြီး မေးလိုက်တော့ တကယ်ကို ငါ့မျက်လုံးတွေပြာဝေသွားခဲ့ရပါတယ်..။ ကောင်းကင်ကြီးတောင် အရောင်တွေ ပြယ်လွင့်သွားသလားမသိ…….။ဘယ်လိုများ မေးလိုက်တာလည်း.. သံစဉ်..။ငါ အမှန်အတိုင်းဖြေရရင်.. အဲဒီ မင်းသမီးလေးရဲ့ ရှက်ပြုံးလောက်တော့ မင်းအပြုံးက ဘယ်လှနေမလည်း.. သံစဉ်..။ ဒါပေမယ်..ဒါပေမယ်ပေါ့ကွာ…….အဲဒီမင်းသမီးလေးရဲ့ ရှက်ပြုံးမှာ သောကတွေပါတယ်.. ဖုံးကွယ်ခြင်းတွေပါတယ်.. သံမဏိဆန်တဲ့ စက်ရုပ်အပြုံးသာ ဖြစ်တယ်.. ကျီးကန်းတစ်ကောင်ရဲ့ အဖြူရောင်တောင်ပံတစ်စုံလည်း ဖြစ်ကောင်းဖြစ်နိုင်တယ်။ ခပ်ဝေးဝေးက လွင့်လာတဲ့ မသတီခြင်းတွေနဲ. ဆေးခြယ်ထားတဲ့ အပြုံးတစ်စုံပေါ့..။ အဲဒီအပြုံးမှာ ငွေသံတွေ တချွင်ချွင်နဲ. စိတ်ပျက်စရာကောင်းတယ်..။ အသေချာဆုံးကတော့ မင်းကြိုက်တဲ့မင်းသမီးလေးရဲ့ အပြုံးဟာ ဘယ်လောက်လှလှ ဘယ်သောအခါမှ အချစ်နတ်ဘုရားတို.ရဲ့ ရာဇ၀င်မှာ အရေးထိုးခံရလိမ့်မှာမဟုတ်ဘူး..။ ဘာလို.လည်း..။ ရာဇ၀င်မှာရေးထိုးနိုင်လောက်အောင် သံစဉ်.. မင်းရဲ့ ရှက်ပြုံးက ကြီးကျယ်ခမ်းနားလွန်းပါတယ်။ ကျင့်သားမရသေးတဲ့ နန်းဆောင်တစ်ခုရဲ့ မြင့်မြတ်မှုမျိုးပေါ့.. အရာရာကို မင်းက ထည့်သွင်းသတ်မှတ်နိုင်တဲ့ အပြုံးတွေပေါ့………။မင်းရဲ့ အပြုံးနဲ. ကံကောတစ်တောလုံးလည်း မွှေးခဲ့တယ်.. တောင်ကျစမ်းတွေလည်း အေးခဲ့တယ်.. ဂီတသံတွေလည်း ပိုပြီးသာယာခဲ့တယ်.. ကဗျာတွေလည်း ခမ်းနားခဲ့တယ်.. နောက်ငါဆိုတဲ့ ကောင်ကလည်း လူသားပို ဆန်လာခဲ့တယ်..။ အဲဒီတော့…….သံစဉ် မင်းပြုံးပါ..။ငါဘာမှန်းမသိတဲ့ မင်းရဲ့ ဖြူစင်လွန်းတဲ့ အတက်ပညာအချို.ဆိုတာ ရင်ခုန်သံကို မဖုံးကွယ်တက်တဲ့ မင်းရဲ့စိတ်ထားလေး (လူသားဆန်ခြင်း) ကြောင့်ပဲ ဖြစ်မယ်ထင်ပါတယ်..သံစဉ်..။မင်းရဲ့ အပြုံးတွေဟာ ရိုးသားမှုနဲ.ပျော်တက်တဲ့ အနုပညာတစ်မျိုးပေါ့။ သဘာဝက ပေးတဲ့ရိုးသားမှုဆိုတာဟာ မင်းရဲ့ အပြုံးတွေကို ရည်ညွှန်းတာ ဖြစ်ပါလိမ့်မယ်။ မင်းရဲ့ အပြုံးတွေလှပနေရတဲ့ အဓိက အကြောင်းအရင်းဖြစ်တဲ့ ရင်ခုန်သံတွေနဲ. အတူမင်းပြုံးပါ..။ မင်းရဲ့ ရင်ခုန်သံ အတက်အကျတွေနဲ. အတူ ကမ္ဘာမှာ အလှပဆုံး မင်းပြုံးပါ..။ ရင်ခုန်သံတွေနဲ. အတူထွက်ကျလာတဲ့ မင်းရဲ့ အပြုံးတွေဟာ အချစ်နတ်ဘုရားတွေရဲ့ မှတ်ကျောက်မှာ အစစ်ဆေးခံပြီးပြီမို. ရဲရင့်စွာပဲ မင်းအပြုံးတွေကို…………………..အလှတရားတွေအတွက် ဖြန်.ခင်းလိုက်ပါတော့။ အဲဒီညနေရဲ့ တောင်ပံတစ်စုံဟာ ဟိုးဝေးဝေးကို ပျံသန်းသွားမှာ မဟုတ်တော့ဘူး….. မေသံစဉ်။ လှပသောအပြုံး=ရင်ခုန်သံ

တမ်းတခြင်း

သရုပ်မှန်ကဗျာ မော်ဒန်ကဗျာ ဘာလုပ်ဖို. ဖတ်ရမှာလဲ ငါ. နှလုံးသားရဲ. ကဗျာပဲ ငါဖတ်မယ်။ မိုနာလီဇာ အပြုံး ကိတ်ဝင်းစလက် မျက်လုံး ဘာလုပ်ဖို. မက်မောရမှာလဲ မင်းရဲ.ဖွင်.ဟနေတဲ. နှုတ်ခမ်းလေးပဲ ငါမက်မောတယ်။ ရိုမီယို နဲ. ဂျူးလီးယက် ရှင်မွေးလွန်းနဲ. မင်းနန်ဒ ဘာလုပ်ဖို. စိတ်ဝင်စားရမှာလဲ မင်းနဲ.ငါရဲ. အကြောင်းကိုပဲ ငါစိတ်ဝင်စားတယ်။ ကောင်းကင်ရဲ. ကြယ်တာရာ မြရာပင်ရဲ. သစ်ရွက် ဘာလုပ်ဖို. တမ်းတရမှာလဲ မင်းဆီက ချစ်စကားတွေကိုပဲ ငါတမ်းတတယ်။ ချစ်သူရယ် ငါအလွတ်ရနေတဲ. ကဗျာတစ်ပုဒ် နောက်ဆုံးအနေနဲ. ရွတ်ခွင်.ပေးပါ။ မင်းကိုငါချစ်တယ်။ ။

မြေကြီးအောက်ကကြယ်

စာမျက်နှာ (၄) မကင်းတော့ဘူး။ နင့်ကို ငါအရမ်းတွေ့ချင်တယ်။ ပျင်းရိဖွယ် ညနေစောင်းက ကျွန်တော့်ကို ကျေနပ်နှစ်သိမ့်မှုကို ဖြစ်စေခဲ့တယ်။ ကျွန်တော့် သူငယ်ချင်း ပြန်ရောက်လာပြီး စန္ဒာရဲ့ အမည်၊ နေရပ်၊ လိပ်စာ အချက်အလက် သိခွင့်ရခဲ့သည်။ သူငယ်ချင်းကို ကျွန်တော့်ဘ၀ တစ်လျှောက်လုံးတွင် ဒီတစ်ကြိမ်တော့ အရမ်းကျေးဇူးတင်သွားမိသည်။ သူစုံစမ်းပေးခဲ့သော အချက်အလက်မှာ အနည်းငယ်သာ ဖြစ်သော်လည်း ကျွန်တော့်လို လောကကြီးမှ ထွက်သွားရတော့မည့် လူတစ်ယောက် အတွက် လုံလောက် ပေပြီ။ ပိုပင်ပိုနေသေးသည်ဟု ပြောနိုင်ပါသည်။ ကျွန်တော်က စန္ဒာဆီက ဘာမှမျှော်လင့် မထားပါ။ မမျှော်လင့်ရဲပါ။ မမျှော်လင့်ဝံ့ပါ။ မမျှော်လင့်ရက်ပါ။ ကျွန်တော်က စန္ဒာမျက်နှာလေးကို နောက်တစ်ကြိမ်တော့ ထပ်ပြီးမြင်ချင်မိသည်။ ကျွန်တော်ညဖက် အိပ်ယာဝင်တော့ အိပ်မက်ထဲမှာ စန္ဒာမပါဝင်စေဖို့ ကျွန်တော်တိတ်တိတ်လေး ဆုတောင်းပြီး အိပ်ပျော်နိုင်အောင် ကြိုးစားခဲ့ရသည်။ ကျွန်တော်သည် ဆုတောင်းတိုင်း တစ်ခါမှမပြည့်ခဲ့ဖူး။ ထို့ကြောင့် ကျွန်တော် ဆုမတောင်း ဖြစ်သည်မှာ အတော်ကြာပြီဖြစ်သည်။ ဒီတစ်ကြိမ်တော့ ကျွန်တော့်စိတ်ထဲက ယုံယုံကြည်ကြည် ဆုတောင်းလိုက်သည်။ ``အိပ်မက်ထဲမှာ စန္ဒာမပါဝင်ပါစေနဲ့´´။ ဘာကြောင့် ကျွန်တော်ထိုသို့ ဆုတောင်းမိသလဲ။ စန္ဒာကို တကယ်ပဲ အိပ်မက်ထဲမပါစေချင်လို့လား။ အိပ်မက်ထဲ ပါစေချင်လို့လား ကျွန်တော်မသိ။ ကံကြမ္မာရယ် ဒီတစ်ကြိမ်တော့ . . . ကျွန်တော့်ထို ညကအိပ်မက်မက်ပါသည်။ အိပ်မက်ထဲတွင် ကျွန်တော်ကံကောင်းလား မပြောတတ်။ အိပ်မက်တွင် ကျွန်တော်စန္ဒာနှင့် တွေ့ခဲ့ရသည်။ အိပ်မက်ထဲတွင် အိပ်မက်မှန်း ကျွန်တော်မသိ ရစ်မူးနေခဲ့ရသည်။ ဒီအိပ်မက်အကြောင်း အခြားသူတစ်ယောက်ကို ပြောပြမိရင် သူတို့က ကျွန်တော့်ကို မင်းကံကောင်းတယ်လို့ ပြောမှာသေချာတယ်။ ကျွန်တော့်ကို ကံဆိုးစေတယ်လို့ ကျွန်တော်ယုံကြည်တယ်။ ကျွန်တော်စန္ဒာကို တစ်ခါတွေ့တယ်။ အနည်းဆုံးနောက်တစ်ခါ ထပ်တွေ့ချင်တယ်။ ကျွန်တော်လောကကြီးကို နှုတ်မဆက်သွားရခင်ပေါ့။ ဒါပေမယ့် နှုတ်ဆက်ခွင့်တောင် ရမှာမဟုတ်ပါဘူး။ အခုအိပ်မက်ထဲမှာ ထပ်တွေ့တယ်။ နောက်တစ်ခါထပ်တွေ့ချင်တယ်။ ပြီးတော့ အိပ်မက်က လက်တွေ့မှ မဟုတ်တာ။ ကျွန်တော်လမ်းပေါ်မှာ ခြေလှမ်းတွေ ဘယ်နှစ်လမ်း လှမ်းခဲ့ပြီးပြီလဲဆိုတာ ရေတွက်လို့ မရေပေမယ့်။ ကျွန်တော့် ခြေလမ်းတွေ တက်ကြွနေတာကို မြင်သူတိုင်းက ငြင်းကြမယ်မထင်ဘူး။ ကျွန်တော့်ဘ၀ရဲ့ ပထမဆုံး ထားဖူးတဲ့ မျှော်လင့် ချက်အတွက် လျှောက်လမ်းခဲ့တဲ့ ခြေထောက်တွေပဲ မတက်ကြွပဲ နေမလားလို့ တစ်လောကလုံးကို အော်ပြောလိုက်ချင် မိတယ်။ ဒါပေမယ့် ကျွန်တော် ဘယ်သူနဲ့မှ စကားမပြောချင်ဘူး။ ဒီအချိန်မှာ ကျွန်တော့်နှုတ်ခမ်းထဲမှာ ပီတိတွေပဲ ရှိနေမှာကို လူတွေမနာလို ဖြစ်ကြဦးမယ်။ ဒီနေ့ ကျွန်တော် ဆေးရုံကနေ ခိုးထွက်လာတာ ဖြစ်ပေမယ့်။ မလျှောက်တာ ကြာပြီဖြစ်တဲ့ ဒီခြေလှမ်းတွေ ယိုင်မနေခဲ့ဘူး။ ပိုက်ဆံမကိုင်တာ ကြာပြီဖြစ်လို့ ပိုက်ဆံမပါပဲ စန္ဒာအိမ်အရောက် လမ်းလျှောက်ထွက်ခဲ့တယ်။ ညနေကတော့ တဖြည်းဖြည်း နေလုံးကို ၀ါးမြိုပြီး နေ့ကို အသွင်ပြောင်းဖို့ ကြိုးစားနေတယ်။ ခဏနေရင် လ ထွက်လာတော့မယ်။ ကျွန်တော် မှတ်သားဖူးတာက လဆိုတာ လူတွေရဲ့ တောင့်တချက်ကြောင့် ထွက်ပေါ်လာတဲ့အရာ၊ အဲဒါကြောင့် သူ့ကို ဆန္ဒလို့ ခေါ်ရာကနေ စန္ဒာဆိုပြီး ဖြစ်လာတာလို့ အဘိုးက အိပ်ယာဝင် ပုံပြင်အဖြစ် ပြောပြဖူးတယ်။ အဘိုးရေ အခုကျွန်တော် လနတ်သမီးလေးနဲ့ တွေ့ဖိုးထွက်လာခဲ့မိပြီး။ ကျွန်တော့် ဆန္ဒတွေ ပြည့်ဝမှာလားဗျာ။ ကျွန်တော့်ရဲ့ ခြေလှမ်းတွေက တစ်ခါမှ မရောက်ဖူးပေမယ့် စန္ဒာအိပ်ရှေ့ရောက်အောင် ခေါ်သွားနိုင်တာတော့ ကျွန်တော် ချီးကျူးမိတယ်။ စန္ဒာတို့ အိပ်ရှေ့မလှမ်းမကမ်းက အုတ်ခုံလေးမှာ ထိုင်ပြီး ကျွန်တော် မျက်လုံးတွေကို စန္ဒာရဲ့ အရိပ်ကို ရှာနေမိတယ်။ တွေ့ပါရစေ စန္ဒာရယ်။ စန္ဒာ ကိုတမ်းတရင်း စန္ဒာရဲ့ပုံရိပ် မျှော်မှန်းလို့ အနားမှာတွေ့ရတဲ့ မီးသွေး ခဲနဲ့ အဖြစ်ချင်ဆုံး အလွမ်းတွေကို ချရေးမိတယ်။ ပါးပြင်ပေါ်က သနပ်ခါးလေးကို လွမ်းတယ် စန္ဒာရဲ့ မျက်တောင်ကော့ကော့လေးကို ချစ်တယ် နှုတ်ခမ်းပေါ်က နှုတ်ခမ်း နီစိုလေးကို လွမ်းတယ် စန္ဒာရဲ့ မျက်လုံးဝိုင်းဝိုင်းလေးကို ချစ်တယ် နင်ရဲ့ပုံရိပ်လေးက အရမ်းလှတာပဲ။ ခဏလေး တွေ့ခဲ့ရတာတောင် ငါတစ်သက်လုံး စွဲထင်ကျန်နေတာ နင်ရဲ့ မျက်နှာလှလှလေးပေါ့။ စန္ဒာရယ် တွေ့ချင်လွန်းလွန်းလို့ အတွေးပုံရိပ်တွေ စိုးမိုးနေပြီ။ စာမျက်နှာ (၅) တဖြည်းဖြည်းညက နက်လာလေလေ ရန်ကုန်မြို့ရဲ့ ထုံးစံအတိုင်း လေအေးအေးလေးတွေ တိုက်လာပြီး တဖြည်းဖြည်းချမ်းလာတယ်။ ကျွန်တော့်မှာ ၀တ်နေကျ ဂျာကင်အင်္ကျီပါမလာဘူး။ ကျွန်တော် ခြေဖျား လက်ဖျားတွေ အေးလာတယ်။ ကျွန်တော့်တစ်ကိုယ်လုံးလည်း ချမ်းပြီးစိမ့်တက်လာတယ်။ ကျွှန်တော့် နှလုံးသားကတော့ နွေးထွေးလျှက်ပါ။ ဘာလိုလိုနဲ့ ကျွန်တော် စန္ဒာကို အိမ်ရှေ့ရောက်တာ ငါးနာရီ၊ ခြောက်နာရီလောက် ရှိပြီထင်တယ်။ ခု သန်းခေါင်ယံ ကြက်တွန်သံ တစ်ချက်ကြားလိုက်ရတယ်။ အခုထိ စန္ဒာနဲ့ မတွေ့ရသေးဘူး။ ကျွန်တော် အုတ်ခုံမှာ ထိုင်ရတာ ညောင်းလာတာနဲ့ ခဏလောက် လမ်းလျှောက်ပြီး စန္ဒာတို့ အိမ်ရှေ့က မြရာပင်ကြီး အောက်ကို ပြောင်းထိုင်မိတယ်။ ဒီနေရာက စန္ဒာတို့တိုက်ကို ပိုပြီးနီးနီးကပ်ကပ် မြင်နိုင်တယ်။ မြရာပင်က သစ်ရွက်တွေက တစ်ရွက်ပြီး တစ်ရွက် ကြွေနေတယ်။ မြရာပင်ကို မှီပြီး ကျွန်တော် ပန်ကာကြီးကို သတိရနေမိတယ်။ ကျွန်တော်နဲ့ ခုချိန်မှာ စကားပြောဖော်မရှိဘူးလေ။ ပန်ကာကြီးက ကျွန်တော့်ကို အချိန်တော်တော်များများ အဖော်ပြုခဲ့ ပေးပြီပြီလေ။ လူ့ဘ၀ရဲ့ အနှစ်သာရကို ခံစားခွင့်လည်း ကျွန်တော့်ကို ပေးခဲ့ပြီးပြီလေ။ ပန်ကာကြီးရေ ကျေးဇူးပါဗျာ။ ကျွန်တော်ကို စန္ဒာနဲ့ တွေ့ခွင့်ပေးတာ။ ကျွန်တော် ကောင်းကင်ကိုမော့ကြည့်မိတော့ လမင်းကြီးရဲ့ အဖော်ဖြစ်တဲ့ ကြယ်လေးတွေက တလက်လက် တောက်ပနေကြတယ်။ ကျွန်တော် အချိန်တော်တော်ကြာကြာ ကြည့်နေမိတယ်။ အဲဒီညက ကြယ်တစ်ပွင့်မှ မကြွေကျခဲ့ဘူုး။ လနတ်သမီးလေးရေ မင်းအတွက် အဖော်တွေ မဆုံးရှုံးဘူးပေါ့ကွာ။ ငါ့အတွက် ဆုတောင်းပြည့်ဖို့ ကြယ်တစ်ပွင့်လောက် ကြွေကျခဲ့ရင် ငါအရမ်းဝမ်းနည်းမိမှာပါ။ စန္ဒာနဲ့ ပက်သက်လာရင် စန္ဒာရဲ့ ပိုင်ဆိုင်မှုတွေ တစ်ခုမှမဆုံးရှုံး စေချင်ဘူး။ အထူးသဖြင့် ကျွန်တော့်ကြောင့်ပေါ့။ ကျွန်တော် အရင်ကလိုသာ ကိုယ်ခံအား ကောင်းနေခဲ့မယ်ဆိုရင် ဒီတစ်ညလုံး ကျွန်တော်မအိပ်ပဲ စန္ဒာကို အတွေးပုံရိပ် ဖော်ပြီး တမ်းတနေချင်တယ်။ အခုတော့ ကျွန်တော်ပင်ပန်းလှပြီ။ ကျွန်တော်ခဏလောက်တော့ အိပ်မှဖြစ်မယ်။ ဒါပေမယ့် ကျွန်တော် အိပ်လို့ဖြစ်ပါ့မလား။ အခုထိ စန္ဒာနဲ့ တွေ့ခွင့်မရသေးဘူးလေ။ ပြီးတော့ ကလေကချေတစ်ယောက်လို မြေပြင်ပေါ်မှာ အိပ်ရမှာလား။ ကျွန်တော် ပင်ပန်းလှပြီ။ ကျွန်တော်အိပ်ယာက နိုးလို့မျက်စိနှစ်လုံး ဖွင့်တာနဲ့ မြင်ချင်တာ စန္ဒာ မျက်နှာလေးပါ။ တမ်းတလိုက်မိတယ်။ တွေ့ခွင့်ရပါစေ။ ကျွန်တော်ခဏလောက် အိပ်လိုက်ပါရစေ။ စာမျက်နှာ (၆) ကျွန်တော် အိပ်မက်ဆိုးတွေ မက်ခဲ့ရတယ်။ အိပ်မက်ထဲမှာ ကောင်းကင်ကကြယ်တွေ တစ်လုံးပြီးတစ်လုံး တဖြုတ်ဖြုတ် ကြွေကျနေတယ်။ ကျွန်တော့် ဈာပနာအတွက် ငိုကြွေးနေတာတဲ့။ မြရာပင်ပေါ်က သစ်ရွက်တွေ တစ်ဖွဲဖွဲ ကျွန်တော့် ခန္တာကိုယ်ပေါ် သက်ဆင်းနေတယ်။ ကျွန်တော် ဈာပနာ အတွက် ဖုံးလွှမ်းပေးတဲ့ ပန်းခင်းတဲ့။ ကျွန်တော် အခုထိ စန္ဒာနဲ့ တွေ့ခွင့်မရသေးဘူး။ ကောင်းကင်ကို ကျွန်တော် အလန့်တကြားကြည့်လိုက်မိတယ်။ လမင်းရော ရှိနေပါ့မလား။ လမင်းရဲ့အနားမှာ တောက်တောက်ပပနဲ့ ကြယ်တစ်ပွင့်က မင်းကိုကိုယ်ရံတော်အလား စောင့်ရှောက်ပေးနေတယ်။ အဲဒီကြယ်ဟာ ကျွန်တော့်ဝိညာဉ်ပေါ့။ စန္ဒာကို စောင့်ရှောက်ချင်တဲ့ ကျွန်တော့် ၀ိညာဉ်ပေါ့။ ကျွန်တော် အာရုံထဲ ဆူညံညံသံတွေ ကြားလိုက်ရတော့။ မနက်လင်းနေပြီလို့ သိလိုက်ရတယ်။ ငှက်ကလေး တွေရဲ့ အော်မြည်သံပေါ့။ ကျွန်တော် မျက်လုံးနှစ်ခုကို အသာလေးဖွင့် ကြည့်လိုက်တယ်။ ကျွန်တော့်ကို အံသြတကြီး စိုက်ကြည့်နေတဲ့ ကောင်မလေးတစ်ယောက်၊ ကျွန်တော့်ရဲ့ သနပ်ခါးလေး၊ ကျွန်တော့်ရဲ့ မျက်တောင်လေး၊ ကျွန်တော့်ရဲ့ နှုတ်ခမ်းလေး၊ ကျွန်တော့်ရဲ့ မျက်ဝန်းလေး၊ စန္ဒာဖြစ်နေတယ်။ ကျွန်တော့်ဆန္ဒ ပြည့်ဝခဲ့ရပါပြီ။ ကျွန်တော် တစ်ချက်ပြုံးပြပြီး လှည့်ထွက်လာခဲ့တယ်။ ကျွန်တော့်အပြုံးကို စန္ဒာမမြင်နိုင်ပါ။ စန္ဒာမြင်နေရတာက ကျွန်တော့်ရဲ့ ----------------------။ ပြီးပါပြီ။

မြေကြီးအောက်ကကြယ်(၁)

ကျွန်တော်မျက်လုံးကို ဖြည်းညင်းစွာဖွင့်လိုက်တော့ ကျွန်တော့်မျက်စိရှေ့မှာ ကောင်းကင်ပြာကြီး ရှိမနေဘူး။ စိမ်းလန်းတဲ့သစ်ပင်ရိပ်တွေ ရှိမနေဘူး။ မျက်နှာကျက်ပေါ်က အကောက်အထည်မြင်ရပြီး သေခဲ့ဖူးတဲ့ ဖြူနွမ်းနွမ်း ပန်ကာတစ်ခု ကကျွန်တော့်ကို ဟားတိုက်နေတယ်။ ဟုတ်တယ် ဒီပန်ကာကလည်း မလည်တာကြာပြီ ဖြစ်ပေမယ့် ဒီနေ့တော့ ထူးထူးခြားခြား လည်နေတယ်။ အဲဒီလို ပန်ကာလည် နေတာကိုက ကျွန်တော့်ကို ဟားတိုက်နေသလိုပဲ။ အရင်ကဆို ကျွန်တော်က ဒီပန်ကာ အသေကြီးကို ကြည့်ပြီး ပြုံးနေခဲ့တာ။ ကျွန်တော်ထင်ထားတာက ဟောဒီတစ်လောကလုံးမှာ ခန္တာကိုယ်ကြီးကသာ တည်ရှိပြီး အရာရာနေတာ ကျွန်တော်နဲ့ ဒီပန်ကာပဲရှိမယ်လို့ မှတ်တာ။ ခုတော့ဒီကောင်က သူ့ရဲ့ရှင်သန်မှုအတွက် သက်သေပြနေပြီ။ ကျွန်တော်စိတ်ပျက်သွားမိတယ်။ ကိုယ့်ကိုကိုလည်း တော်တော်ရှက်သွားမိတယ်။ လောကမှာ ရှင်လျှက်နဲ့ သေနေတာ ကျွန်တော်တစ်ယောက်ပဲ ရှိတော့တယ်။ ပန်ကာကတော့ လည်ရင်းလည်ရင်းနဲ့ သူ့တာဝန်ကို ထမ်းစောင်နေတယ်။ တစ်ချက် သူခပ်ပြင်းပြင်း လေများတိုက် သလားမသိ။ ကျွန်တော်ရင်ထဲအေးခနဲ ဖြစ်သွားတယ်။ ကျွန်တော်စိတ်ထဲ တစ်လောကလုံးငြိမ်းချမ်းသွားတယ် ကျွန်တော်သိလိုက်ပြီ။ ပန်ကာကြီးက ကျွန်တော့်ကို ဟားတိုက်ချင်လို့ မဟုတ်ပဲ ကျွန်တော့်ကို လက်ဆောင်ပေးချင်လို့။ ကျွန်တော့်ကို သနားလို့ဖြစ်ပါလိမ့်မယ်။ ကျွန်တော့်ကို ပန်ကာကြီးက ပေးတဲ့လက်ဆောင်က လလေးတစ်စင်းဆို အံသြကြမလား။ သူမသည် လလေးတစ်စင်းဖြစ်သည်။ လနတ်သမီးလေး တစ်ပါးဖြစ်ပါလိမ့်မည်။ ပန်ကာကြီးက သူ၏လေအားဖြင့် ကမ္ဘာပေါ်က ကျွန်တော့်အတွက် များဆွဲချပေးလိုက်လေသလား ကျွန်တော်မသိ။ ဘာပဲဖြစ်ဖြစ်သူမက ကျွန်တော့်ကို လတ်တလော အေးမြမှုကို ဖြစ်စေတယ်။ ကျွန်တော် လောကကြီးပေါ်အသက် ရှင်ရသည်မှာ အဓိပ္ပါယ်များဖြင့် ပြန်လည် ပြည့်ဝလာပေပြီ။ ပန်ကာကြီးရေ ကျေးဇူးပါဗျာ။ ခင်ဗျားက ကျွန်တော့်အတွက် ရာသက်ပန် အဖော်ကောင်းပါပဲ။ သူမသည် ကျွန်တော်၏ဘေး ကုတင်မှ ကလေးလေး၏ အမလား အဒေါ်လား။ တစ်ခုခုတော့ ပက်သက်မှု ရှိပေမည်။ သူမသည် ထိုကလေးလေးဆီ လာခြင်းဖြစ်သည်။ သူမသည် ကျွန်တော့်အတွက် ငြိမ်းချမ်းမှုကို အပြည့်အ၀ ရရှိစေသည်။ ကျွန်တော့်အတွက်တော့ သူမသည် ငြိမ်းချမ်းရေး နတ်သမီးလေးဖြစ်သည်။ သူမနာမည် ဘယ်လိုခေါ်သလဲ။ လနတ်သမီးလေး၏ နာမည်သည် စန္ဒာမှလွဲ၍ တစ်ခြားမဖြစ်နိုင်။ သူမကို ဘယ်သူတွေဘယ်လို ခေါ်ခေါ် ကျွန်တော့်အတွက်တော့ သူမ၏နာမည်သည် စန္ဒာဖြစ်သည်။ ကျွန်တော့်ရင်ထဲမှ နက်ရှိုင်းစွား နှလုံးသားထဲထိ ကြားရအောင် အော်ခေါ်လိုက်မိသည်။ ကျွန်တော်ဒီဆေးရုံကို ရောက်နေတာ ကြာနေပြီဖြစ်သော်လည်း (ခြောက်လလား၊ တစ်နှစ်လား သေချာမမှတ်မိတော့) ထိုကလေးလေး ဆေးရုံကိုရောက်သည်မှာ သုံးရက်ခန့်သာ ရှိသေးလေသည်။ သို့သော် စန္ဒာ ကလေးဆီလာသည်ကို ကျွန်တော်တစ်ခါမှ မတွေ့ဖူး။ ယခုအကြိမ်သည် စန္ဒာကို ဤဆေးရုံတွင် ပထမဦးဆုံးတွေ့ ဖူးခြင်းဖြစ်သည်။ စန္ဒာဆေးရုံမစ္စည်းတွေကို သိမ်းနေသည်တွေ့မှ ယနေ့ထိုကလေးလေး ဆေးရုံမှ ဆင်းရမည်ဖြစ်ကြောင်း ဆရာမများ ပြောနေသည်ကို ကျွန်တော်သတိရသွားသည်။ ဒါဆိုစန္ဒာသည် ဆေးရုံကိုလာတာ ထိုကလေးလေးကို ဆေးရုံမှ ခေါ်သွားဖို့ လာခြင်းဖြစ်နေသည်။ ဒါဆိုသူတို့ သွားကြတော့မည်။ ကျွန်တော့်ရင်ထဲတွင် ဗလောင်ဆူသွားသည်။ ကျွန်တော် အေးချမ်းမှုရသည်မှ မကြာသေး။ ကျွန်တော်ကို ပူလောင်စေပြန်သည်။ တတ်လည်းတတ်နိုင်ပ စန္ဒာရယ်။ ထိုအချိန်တွင် ကျွန်တော်သူငယ်ချင်း တစ်ယောက်ရောက်လာသည်။ ကျွန်တော့်စိတ်ထဲ အတော်ကြီးကို ပျော်သွားသည်။ စန္ဒာနှင့် ကလေးလေးတို့ပြန်လျှင် ဒီကောင်ကို အနောက်ကလိုက်သွားပြီး စုံစမ်းခိုင်းရမည်။ ကျွန်တော့်အတွက် နည်းနည်းတော့ အခက်အခဲရှိနေပြန်သည်။ ဒီကောင်ကသူများ အကြောင်းကိုစုံစမ်း ပေးလေ့မရှိ။ ကျန်တာ ကြိုက်တာခိုင်း ကူညီလေ့ရှိသည်။ ဤသို့မိန်းကလေးများနှင့် ပက်သက်လျှင် ပို၍ပင် ကူညီလေ့မရှိ။ သို့သော် ကျွန်တော့် စိတ်ဓာတ်မကျ။ ဒီကောင်ကို ပြောကြည့်ရမည်။ ကျွန်တော်ဒီကောင့်ကို စန္ဒာနောက်က လိုက်သွားခိုင်းပြီး စန္ဒာတို့အိမ်ကို စုံစမ်းခိုင်းတော့ ကျွန်တော်ထင်သလောက် မခက်ခဲ။ ကျွန်တော့်ကို သူစကားတစ်ခွန်းသာမေးသည်။ ``မင်းဘာလုပ်ဖို့လဲကွ´´ ``ငါ့စိတ်ထဲတစ်မျိုးကြီးပဲကွ၊ အရမ်းသိချင်တယ်´´ ဒီကောင်ခဏတော့ တွေဝေသွားသည်။ ကူညီရင်ကောင်းမလား၊ မကူညီရင်ကောင်းမလား၊ ဘယ်လို ငြင်းပယ်ရမလဲ စဉ်းစားနေသလား။ နောက်ဆုံးဒီကောင် ကျွန်တော့်ကိုကူညီဖို့ ဆုံးဖျက်ချက်ချလိုက်သည်။ ကျွန်တော့်ကို ဘ၀တွင်နောက်ဆုံး ကူညီရခြင်းဟု မှတ်ယူထားပေလမ့်မည်။ ကျွန်တော့်အတွက်တော့ ကောက်ရိုးတစ်မျှင် အဖြစ်ကူညီခြင်းလား ကျွန်တော်မသိ။ စာမျက်နှာ (၃) စန္ဒာနှင့် ကလေးကို အထုတ်အပိုးများဖြင့် ဆေးရုံမှထွက်ချိန် ကျွန်တော့်သူငယ်ချင်းလဲ စန္ဒာနောက်မှ လိုက်သွားလေသည်။ ကလေးလေးရေ မင်းကတော့ ကံကောင်းတယ်ကွာ။ ဒီဆေးရုံမှာ မင်းတို့လို ရောက်လာပြီး ပြန်ထွက်သွားခွင့် ရသူတွေရှိသလို၊ ပြန်ထွက်သွားခွင့် မရှိသူတွေလဲ အများကြီးပါ။ စိတ်မပါပဲ လောကကြီးကို နှုတ်ဆက်သွား ရတဲ့သူရောပေါ့။ ကျွန်တော်ကတော့ လောကကြီးကို ကျောခိုင်းသွားသူတွေရဲ့ နောက်ကို အမြန်ဆုံး လိုက်သွားရမယ့် လူတစ်ယောက်ပေါ့။ ဒါပေမယ်။………… ဒါပေမယ့်။ ကျွန်တော့်စိတ်ကို ကျွန်တော် အကောင်းဆုံးလေ့ကျင့် ထားခဲ့တာပါ။ ဒီလောကကြီးကို နှုတ်ဆက် ထွက်ခွါသွားရချိန်မှာ အဓိက အရေးကြီးဆုံးက နောက်ကျောလုံဖို့ပဲလေ။ အဲဒီအတွက် ကျွန်တော့်မှာ ဘာသံယော ဇဉ်မှမရှိအောင် ကျွန်တော် အချိန်တွေ ပေးခဲ့ပြီးပြီလေ။ အခုတော့ အဲဒီအချိန်တွေကို ကျွန်တော်နှမျောလိုက်တာဗျာ။ ကျွန်တော် ရှေ့ဆက်ခံစားမှု ဘယ်လိုပြောင်းမယ်ဆိုတာကို ကြိုမသိပဲ မှားယွင်းလေကျင့် မိပြီလား။ ဟုတ်တယ်ဗျာ။ ။ ကျွန်တော့်ကို သံယောဇဉ်ကြိုးတစ်ချောင်းက ခပ်တင်းတင်းရစ်ဖွဲ့လိုက်ပြီ။ အဲဒီကြိုးလေးက ဘယ်လိုပုံစံရှိတယ်တော့ ကျွန်တော်မသိဘူး။ ကျွန်တော်ဘ၀ ခဏတာတွေ့ရခွင့်လေးမှာ အေးချမ်းမှု ပေးနိုင်ခဲ.တဲ. လမင်းလေး စန္ဒာငါမင်းကို အရမ်းတွေ့ချင်တယ်ကွာ။