အမေအတွက်ဖတ်စာ

အမေ..။ ကောင်းကင်က ကြယ်တွေကလည်း ကြွေလိုက်ကြတာနော်…။ ဆုတောင်းလိုက်ပါ..။ အဲဒီ ကြယ်ကြွေခြင်းမှာ လူသားတွေရဲ့ ဆုတောင်းက ပြည့်တက်တယ်တဲ့ဗျ..။ ကြယ်တွေကြွေကြနေတုန်း အမေဆုတောင်းလိုက်ပါ..။ ကြယ်အကြွေတွေနဲ. အတူပေါ့..။ နက္ခတ်ဆိုးတွေ အကြောင်းတော့ မမေးကြကြေး…..။ ပျော်ရွှင်စွာတက်ကြွပါ….အမေ။ စိန်ပန်းပွင့်တွေ နီရဲလို…။ သိပ်ကြည့်လို.ကောင်းတာပဲနော်…။ သူ.ပန်းပွင့်တွေက အရမ်းနူးညံမယ်ထင်တယ်ဗျ…။ ဟော…ကြည့် သိပ်လှပါတယ်ဆိုတဲ့ စိန်ပန်းပွင့်တွေ ကြွေနေကျပြန်ပြီလေ..။ တောင်အောက်ကို ဆင်းတဲ့ လမ်းလျှောက်သံတွေလိုတော့ ဘယ်ကြမ်းတမ်းဆူညံမနေဘူးဗျာ။ ဖြည်းဖြည်းချင်း လေမှာပျံဝဲလို….လေမှာဝဲပျံလို…။ ဘယ်လို ဖြစ်ဖြစ်ပါလေ.. အမေလျှောက်မယ့်လမ်းမှာ မကြမ်းတမ်းဖို… သူတို.ရဲ့ သစ်ပင်အောင်မှာ ကျောခင်းပေးထားကြပြီလေ…။ သူတို.ကိုယ်သူတို. အကျဆုံးခံလို. အမေအတွက် နူးညံပေးနေကြတာပါ။ ခြေဖ၀ါးသံ နုနုနဲ. လျှောက်လှမ်းခဲ့ပါတော့ အမေ…….။ မ်ိုးစက်တွေ ကမ္ဘာပေါ် ရွာချနေပြန်ပြီအမေ..။ လူသားတွေ ပျော်နေကြပါတယ်။ ကောင်းကင်ဘုံနဲ. ကွာရှင်းပြက်စဲလာတဲ့ မိုးရေစက်တွေရဲ့ ငိုသံတွေကို အမေကြားဖူးပါစ။ အဲဒီ ရှိုက်သံတွေကို အမေတို. ကျွန်တော်တို.နေ.စဉ်သောက်သုံးလိုက်ကြတယ်…။ ဘာမှ ၀မ်းနည်းစရာ မရှိခဲ့ပါဘူး အမေ…။ ကျွန်တော်လည်း ၀မ်းမနည်းခဲ့ပါဘူးဗျာ…။ တစ်ခုလောက်တော့ ပြောကြည့်ချင်တယ်…. ကျေးဇူးပြုပြီး အဲဒီ မိုးရေစက်တွေကို ရေသန်.တစ်ခွက်လို. နာမည်ပြောင်းမတပ်လိုက်ပါနဲ. အမေ…….။ သစ်ပင်လေးတွေ ယိမ်းထိုးလို. သူလာရာ အရပ်ဆီ ပြေးဝင်နေကြတယ်…။ သူလည်း တန်ဖိုးရှိတာပဲနော်..။ သူဆိုတာလား… ဟုတ်တယ်…. အမေ။ အမေထင်တဲ့ အတိုင်းပဲ နေရောင်ခြည်တွေပေါ့…….။ နေကြာပင်တွေ သူရှိတဲ့ အရပ်ဆီ ပြေးဝင်ခိုကပ်နေလိုက်ကြတာ အမြင်ကပ်ဖို.တောင် ကောင်းတယ်နော်….။ နေရောင်ခြည်တွေ ဖြာကျနေတာများဗျာ မနာလိုဖြစ်ချင်လောက်အောင် ကျွန်တော်တို.အတွက် လိုအပ်တယ်မို.လား အမေ…။ အမေ ဖြေပါ…။ သဘာဝတရားကြီးရဲ့ ကျဆုံးခန်းတွေဟာ ဘယ်လောက်တောင် ချိုမြိန်ပြီး ကျွန်တော်တို.အတွက် လှပလက်ဆက်တယ်ဆိုတာကို…။ လမ်းပေါ်မှာ ကောင်လေးတစ်ယောက်နဲ. ကောင်မလေးတစ်ယောက် …..။ ကောင်မလေး မျက်နှာက သုန်မှုန်လို. စိတ်ဆိုးနေတယ်နဲ.တူတယ်..။ ကောင်လေးကတော့ ပါးစပ်က တတွတ်တွက်ရွတ်လို. ဘာတွေပြောနေပါလိမ့်.။ ဟော..ကြည့်အမေ ကောင်မလေး မျက်နှာတစ်ဖြည်းဖြည်း ပြုံးယောင်သန်းလာပါပြီ.။ သူတို. နှစ်ယောက်ပြန်အဆင်ပြေ သွားတာဖြစ်ပါလိမ့်မယ်။ ကောင်မလေးဟာ ကောင်လေးရဲ့ စကားလုံးတွေအောက်မှာ ကြွေကျသွားတာ ဖြစ်ပါလိမ့်မယ်…။ သူ.ရဲ့စိတ်တွေ အနူးညံဆုံး ကြွှေကျသွားတာ ဖြစ်ပါလိမ့်မယ်။ စကားလုံးတွေ ကြွေကျခြင်းဟာ တကယ်တော့ လူသားတွေကို ချစ်ခင်ရင်းနှီးစေလိုတဲ့ နွေးထွေးခြင်းပေါ့..။ နွေးထွေးစွာ ကြွေကျခြင်းတွေဟာ ဘယ်လောက်တောင်တန်ဖိုးရှိတယ်ဆိုတာ အမေမြင်ပြီမို.လားဗျာ..။ ကျွန်တော်တို. တန်ဖိုးရှိစွာ စကားလုံးတွေ ခြွှေချကြပါစို.. အမေ။ ဒီနေ.တော့ အမေက ကျွန်တော်ကျဆုံးခန်းအတွက် ကျွန်တော်ကိုယ်တိုင်ချိုမြိန်ဖို. ပိုက်ဆံတစ်ချို. ထုတ်ပေးတယ်နော်..။ ကျွန်တော်မသွားလို. မရဘူးလားဟင်…။ ဟုတ်ကဲ့ပါ…အမေ…။ ကျွန်တော်သွားလိုက်ပါဦးမယ်။ အမေရေ…….ပြောရင်းဆိုရင်းနဲ. ကျွန်တော်တို.အိမ်ရှေ့က သစ်ပင်တစ်ပင် (ဘာပင်မှန်းတော့ အမေရော ကျွန်တော်ရော မသိကြဘူးနော်..။) အရွက်တွေ ခြွှေချနေပြန်ပြီနော်။ အမေပြောသလိုပဲ အချိန်တောင်မတန်သေးဘူးကိုး..။ သူ.သစ်ရွက်တွေ ကြွှေကြဖို. အချိန်က စောလွန်းပါသေးတယ်..။ ဟုတ်တယ်အမေ…။ အဲဒီလိုပါပဲ… အဲဒီလိုပါပဲ…။ အမေသား ကျွန်တော်လည်း စာမေးပွဲကျတယ်ဗျ။ အဲဒီလိုပါပဲ.. အဲဒီလိုပါပဲ… အမေ…။